البحث وجد تطابق وحيد

بواسطة أنعى الحسين ماحييت
الأحد يناير 10, 2010 10:00 pm
منتدى: واحة الشعر الشعبي
موضوع: الإمام السجاد ( ع ) يرد على من يعترض على حزنه و بكائه
ردود: 7
مشاهدات: 965

الإمام السجاد ( ع ) يرد على من يعترض على حزنه و بكائه

بسم الله الرحمن الرحيم
اللهم صل على محمد وآل محمد
وفاة الإمام السجّاد ( ع ) 1430 هـ

تلوموني امن اهل دمعي . . و لا تدروا شنو وضعي

تگولون الچتل عاده . . لهل بيت النبي السادة
الشهاده الكم شرف راده . . الجليل او هذا امر قطعي

صدگ فخر الشهاده النا . . صدگ بيها الله فضّـلنا
لچن ياللي تسايلنا . . اشسبب ليما الوكت ننعي

اشسبب دمعاتي منذرفه . . مصاب الطف صعب وصفه
المحن بيـّـه اشكثر كلفه . . لهذا ابچي او أهل دمعي

شنو الشفنا ابأراضي بالطف . . دهرنا اويانا ما أنصف
وسط گلبي الألم خلــّـف . . وكت منيّ أخذ جمعي

شفت شمر الخنا الظالم . . يحز نحر الولي ابصارم
مثل ذبح الكبش عازم . . ذبح عودي ابحقد رجعي

و انا ابهاللحظه أنشدكم : . . يمن شفت العتب منكم
سهل ذبح الطفل عدكم ؟! . . الذبح خويه الطفل أنعي

يحگ لي ادموعي تتنثــّـر . . شفت نار الخيم تسعر
شفت ضيعة حرم بالبر . . الطفل بالحومه ظل يسعي

شجتني صرخة الطفله : . . علينا الحگ يبو الحمله
و انا مگدر من العلــّـه . . أگوم اشگد صعب وضعي

على انياگ الهزيله اركب . . يوسفه او كل وكت أنسب
عَلَي سوط النذل يلعب . . إذا أصرخ و اهل دمعي

سبونا بالظلم لاعدا . . و علينا فرضوا الشدّه
يزيد ابمجلسه اتعدّى . . يعد سبيي أمر شرعي


اللهم إنها منك فاجعلها إليك
وتقبّل من يا ألله بحق محمد و آل محمد ( صلواتك عليهم أجمعين )

خادم العتره الطاهرة ( عليهم السلام ) : أبو كاظم الأحسائي - أنعى الحسين ماحييت-

العودة إلى ”الإمام السجاد ( ع ) يرد على من يعترض على حزنه و بكائه“