البحث وجد 3 تطابقات

بواسطة حنـــــان
الثلاثاء فبراير 09, 2010 10:20 am
منتدى: واحة الأسرة والمجتمع
موضوع: مساعدة
ردود: 8
مشاهدات: 2578

رد: مساعدة

بسم الله الرحمن الرحيم
وصلى الله على محمد وآل محمد الطيبين الطاهرين
صار الحين بعيد عن النت اتجه حق شي ثاني
تلفون الهبه البي بي مسنجر
وحدث ولا حرج
اجري على الله ان شاء الله
عزيزتي او عزيزي نور الفاطمية ما ظل لا قصت شعر ولا صبغة شعر ولا لبس يديد ما لبسته يعجبه بنفس اللحظة واليوم الثاني نفس قبله وقبله ما تغير شي صار حتى ما يقرب مني والهم هم
يعطيكم العافية عالنصايح قمت فيها وماكو فايدة
الله اكبر
بواسطة حنـــــان
الأربعاء يوليو 01, 2009 11:25 am
منتدى: واحة الأسرة والمجتمع
موضوع: مساعدة
ردود: 8
مشاهدات: 2578

رد: مساعدة

بسم الله الرحمن الرحيم
اللهم صل على محمد وآل محمد
اللهم عجل لوليك الفرج
شكرا عالرد خواتي

اختي نور الفاطمية الله يشهد علي اني كل ما اروح اتسوق اذكره بعطر جديد ولما اعطيه العطر اقووله ما اقدر اروح السوق اشتري لي شي وما اذكرك بشي بسيط اقووله انااتسوق وانت شاغلني
كل شهر لازم اشتري شي يديد ملابس للبيت نوع من التغيير وملابس للطلعه
يعني تغيري مستمر كل شهر

اما من ناحية السفر انا من عايلة ولله الحمد المادة متوفرة وقبل زواجي كنت دااايم اسافر مع اهلي يعني بالسنة لالازم مرتين الى 3 تكون زيارات ومرة ترفيه
وزوجي من عايلة بسيطة واهوا يتيم الوالدين
لما تقدم لي قلبي عطف عليه وايد قلت لازم ما احرمه هالشي عطيته حناني كله ولي يومج هذا ماني مقصرة معاه بشي
المهم حتى حفة عرسي سويتها ابيتنا ما حط ولا فلس واهله كلهم يو واستانسوا
امي وابوي فكروا انه اهوا ما حط شي اكيد بسفرني بعد العرس

طبعا بيني وبينه من المفروض انا نسافر حتى لو زيارة اسبوع الزواج يتبارك
طبعا لا سفر ولا شي وانا سااكته
والحين مرت سنة و4 شهور على زواجنا قلت له ابي اساافر ما اعجبه الموضوع يقولي شنو هالاسطوانة اليديدة سكري الموضوع رغم انه وعدني يوديني سوريا زيارة لمولاتي زينب ع قلت له انت قلت بتوديني سوريا يسكت قلت له ليش احنا غير الناس ابي اسافر نريح شوي ونغير جو
اذا ما عندك نجمع جم معااش ونروح حتى لو 3 ايام
طبعا ولا كاني اتكلم

الموضوع تسكر

اما من نااحية العبارات اللي تتلصق سويتها لما تخرج ورد لي بالسلامة من شهر

والكلام الحلو دايم وانا بالدوام الصبح ادز له مسج اصبح عليه بكلام حلو مثلا اقووله صباح الخير يا اغلى زوج بالدنيا الله يخليك لي ولا يحرمني منك
وغيره من كلام يوميا كل يوم شي

طبعا انسي انه يرد علي بمسج او حتى يتصل

طااف

اول ما تزوجنا واول ما حملت الوضع عادي

من ولدت كل شي تغير ما يرد عالمسجات بحجت مالي خلق اكتب مااحب المسجات


ومن ناااحية التغيير كشكل من طلعت من الاربعين صار لي الحين 3 شهور قصيت شعري ولما ساافر وبردته صبغته وغيرت القصة

بس ماادري كل مااقعد معاه اقووله فيك شي شاغلك شي يقولي لأ
مافيني شي عادي ويضحك

بس انا حااسة تغيره هذا في شي داخله في شي شاغله عني الله العالم

الله يعطيني من صبر اهل البيت ع

يعطيكم العافية والله يفرج عن الجميع ويقضي حوائجكم
بواسطة حنـــــان
الثلاثاء يونيو 30, 2009 11:18 am
منتدى: واحة الأسرة والمجتمع
موضوع: مساعدة
ردود: 8
مشاهدات: 2578

مساعدة

السلام عليكم ورحمة الله وبركاته

اللهم صل على محمد وال محمد وعجل فرجهم

اتمنى مساعدة
انا انسانة مؤمنة ومخلصة واصيلة وصااينة دون مدح ولله الحمد
حينما احب شخص اقدم كل ما املك واقصر في نفسي لكي ارى اللي احبه مرتااح وسعيد ولكن حين انصدم من الشخص اللي حبيته وقدمت له حبي بطبق من صافي ويرده لي مكسور من صدمة الخيانة اتغير ويتحول الحب الى كره

اكتشفت انه زوجي يخوني في النت وله صداقات مع بنات وخاايفة انه هالشي يكبر ويتحول تبادل الارقام ومن ثم تكبر العلاقة اتمنى من الله انه هالشي يكون من باب التسلية
والله ثم والله اني مومقصرة بشي معطته كل انواع الراحة ومقصرة على روحي باشياء واايد ما اذوق طعم النوم والراحة المسؤولية كلها علي اخاف اكلفه بشي اخاف اتكلم معاه رغم انه اجتماعي ومتفهم ولكن اخاف ازعجه اخاف اضايقه
اكتم ضيقتي وجرحي بقلبي ابتسم واضحك معاه ومن جااخلي مكسوورة وجرووحة يبين على ملامحي ولكن اتجااهل المووضوع وكاني مافيني شي كل شي يحبه اسويه
بس ابي اعرف شنو السبب وشنو التقصير اللي مني اللي يخليه يلجأ حق بنات النت
بدال ما يقعد يكلم هالبنات خل يقعد معاي انا محتاجته اكثر منهم

ادري محد يقدر يساعدني غير الله واهل البيت

لاني عارفة السبب محد يفكني غير الله وهذا يبيله وقت ومسالة صبر
لاني قبل الزواج كنت انسااانة اكثر قرب من الله لدرجة انه كل وقتي تسبيح وعبادة وزيارات وصلاة
بعد الزواج
تفرغ للزوج وللولد الصغير والبيت
لا يوجد لدي وقت للتلذذ بالعبادة ما عدى اداء الفرائض ولكن في غير وقتها
انا ادري انه الله بردني حق اعمالي ومشتاق يسمع صووتي في صلاة االليل اللي انحرمت منها وفي الاذكار والادعية

حاليـــــــــــــا انا انساانة محطمة من الداااخل مجروووحة اتمنى زوجي يرجع لي مثل ما عرفته يكون قريب مني اكثر

ماني عارفة اشلون افتح الموضوع معاه
الله يسامحه

العودة إلى ”مساعدة“