الى كل من فارق اباه (نبراس الأبوه)

المشرف: ابو مهند السلامي النجفي

صورة العضو الرمزية
آمال يوسف
صادقي متقدم
صادقي متقدم
Posts in topic: 1
مشاركات: 5813
اشترك في: الأحد سبتمبر 19, 2010 7:28 pm
الراية: أخت زينبية
مكان: الأحساء

#1 الى كل من فارق اباه (نبراس الأبوه)

مشاركة غير مقروءة بواسطة آمال يوسف » الأحد مارس 04, 2012 7:25 am

نبراس الأبوه
ياضوه الماشفت من بعدك ضوه
ويادوه المعلول محتاجك دوه
انه محتاج الحنانك
انه يوميه بمكانك
---
انه يوميه بمكانك
المس افراشك واريد
اسمع احجايات منك
وانت كاعد يمي جنك
بوسط روحي موبعيد
-------

انه اشوفك

مثل ماجنت انه اشوفك
انه اشوفك ذاك انت
جبل يتلاوه ويه وكته
حته من تبجي علينه
تبجي سكته

------
انه اشوفك


انت خيمه وانت بيت
وانه اسمعك جن حجيت
ولسه متفارك عيوني
شوفتك مصباح عيد
-------

انه اشوفك


انت يوميه بصلاتي
انه اشوفك
انت بستان بحياتي
انت في
وانت ضي
وانت عطر المانسيته
وانت مثلك مالكيته
ابين كل الناس هاي
هذا لسه طعم ايدك
من اقبلها بشفاي
وهذا لسه جف حنانك
لسه احس بيها عله راسي
انت انت وانت اني
وانت اهلي وانت ناسي
-------
انه اشوفك


انت كلشي انت بحياتي
انت كلبي وانت روحي
وانت عمري وانت ذاتي
وانت سبحه وانت تربه
وانت دعواتي بصلاتي
------

انه اشوفك


حتى بزيارة امامي
انت وياي بخطاي
وانت وياي بسلامي
حتى بالشباج اذكرك
واسمك باول كلامي
------

انه اشوفك

انه اشوفك واني نايم
انه اشوفك واني واعي
وانه لسه اني عله شورك
من جنت انت النه راعي
اني عايش لسه بسمك
وانت وسط الروح رسمك
وارد اسولفلك واخاف
خايف انه يزود همك
انه لسه انه عله حالي
عبر عمري
وطال صبري
وصارت ايامي ليالي
هذا حالي
هذا حالي شلون حالك؟
انه محتاج الدعاك
مروتك خلني عله بالك
انت ماتحتاج احلفك
وانت ماتنساني اعرفك
انت نبراس الابوه وهذا وصفك
انت نبراس الابوه وهذا وصفك







خادم اهل البيت
ابو ظاهر البركي

م\ن


صورة
ابو ظاهر البركي
مهدوي مبتدئ
مهدوي مبتدئ
Posts in topic: 1
مشاركات: 1
اشترك في: الجمعة إبريل 13, 2012 10:31 pm
الراية: أخ حسيني

مشاركة غير مقروءة بواسطة ابو ظاهر البركي » الاثنين يوليو 20, 2020 12:49 pm

رحم الله والديكم وجعلنا وإياكم من البارين لهم أن شاء الله
أضف رد جديد الموضوع السابقالموضوع التالي

العودة إلى ”واحة الشعر الشعبي“