اعذروني على هالكلمات التي ابكتني

المشرف: مشرفو المنتدى

دكتور بهاء
مهدوي مبتدئ
مهدوي مبتدئ
Posts in topic: 1
مشاركات: 118
اشترك في: السبت أكتوبر 24, 2015 2:56 pm
الراية: أخ حسيني

#1 اعذروني على هالكلمات التي ابكتني

مشاركة غير مقروءة بواسطة دكتور بهاء » الثلاثاء نوفمبر 10, 2015 1:07 am

اللهم صَل على محمد وآل محمد
الخلق الرفيع مثل زر الكهرباء. ...بلمسة واحده يضئ مئات المصابيح. .
والخلق السئ مثل قاطع الدوره (الفيوز) اذا اختل أوقف كل شئ

الى اخي وصديقي وظلي الذي اخذه القدر من بين يدي وابتلعه النهر ولم استطع انقاذه
ربما شاء القدر ان اغفل عنه تلك اللحظة لكي تكتب لي حياة...لان من يعرفني يعرفني لا اتخاذل مع الموت....فغيرتي والموت متناقضان في حلبة مصارعة ان تواجها فغيرتي تتغلب على الموت....

الى حبيبي حسين اقول ودموعي تحفر خدي

مو عجيبه. .
المحب لو فارك حبيبه
ومو عجيبه
الروح من تشعر غريبه
كلمن يجيبه حليبه
.......
لا تحاول تعتذر وتثير الأحزان
كلش صعب عالفاقد ..نحيبه
يحس بلوعه ما تحملها الجبال
يكابر. .بس حدر ضلعه المصيبة
ما بين الجروح جروح وجروح
تتمرجح على اجروحه العجيبه
كلهن ضمدنه وما رضا يطيب
لأنك جارحه وانته طبيبه
كافي اتهيج البركان واتروح
طك بركان صبري الماله طيبه
عجيبه من اشتريك تبيعني بساع
حبيب وما عرف قيمة حبيبه
..........
مو عجيبه
الراح يرجع
والدمع لو سأل يوجع
بس..حلم باجر بعيد ..وونة الموجوع تلسع
عذبتني هواي واترجيت ترجع
انته مو اول جرح حتى اشتكيك
انت كلهن. ..والجروح البيك أوسع
عذبتني اهواي واتمنيت أموت
كمت باسم الموت للحسبات ادفع
بيمن أحلم لو متت وانت بعيد
وأظن ملك الموت يسمع
..........
لا تجيني ولا تصب ملحك صبر
كل جرح من غيبتك فاتح قبر
اليشتري بسوك الشماتة
يبيعلك وصمة غدر
لا تصدك بالمنايا وتفتخر
انت مني وأنه من ذاك الفجر
انت شمعه انطفت مره
وأنه يوميه انطفي بهذا العمر
...........
ذكرياتك تستغيث بوسط روحي
مثل فحمة موجره تحت الرماد
ماهي قصه ولاحلم نايم ويفز
ذكرياتك حلم يقظة وما يزول
شلون. ..واحنه انعيش يوميه بسهاد
ومو عجيبه انغافل الفرحه ونمر
مو عجيبه واحنه نضحك من وجعنه
ونصنع من الحزن فرحه للعباد

بقلمي
5
اللهم صَل على محمد وآل محمد


امشي زحف لحسين وابقى شيعي وافتخر

العودة إلى ”واحة المكررات“